Жаңа төрағалар сайланды
Облыс әкімі мен облыстық мәслихат хатшысы ұжымға облыстың тексеру комиссиясының жаңа төрағасын таныстырды. Бұл қызметке Нұр-Сұлтан қаласы бойынша Тексеру комиссиясының мүшесі болған Қанат Кенжин сайланды.
Бұдан бұрын облыстық мәслихатқа Ақтөбе облысы бойынша Тексеру комиссиясының төрағалығына Қанат Кенжинді тағайындауға, сондай-ақ осы кандидатураны тағайындауға ҚР Президентінің Әкімшілігінен келісу ұсынысы келіп түсті. Осыған байланысты облыстық мәслихаттың хатшысы облыстық мәслихаттың кезектен тыс бесінші сессиясында оның Ақтөбе облысы бойынша Тексеру комиссиясының төрағасы қызметіне кандидатурасын облыстық мәслихаттың қарауына енгізді.
Облыс әкімі Оңдасын Оразалин облыстық Тексеру комиссиясының мүшелерін Қанат Кенжиннің өмірбаянымен таныстырды және оны құттықтап, жаңа салада табыс тіледі.
Қанат Кенжин 1977 жылы туған. 1999 жылы біліктілігі бойынша мемлекеттік қазақ Көлік және коммуникация академиясын, 2002 жылы Қазақ мемлекеттік заң университетін, 2009 жылы ҚР Президенті жанындағы Мемлекеттік басқару академиясын тәмамдаған. Еңбек жолын Ақтөбе қаласындағы «Шығыс-Сервис ЛТД» ЖШС бақылаушысы болып бастаған. Ақтөбе облысы бойынша облыстық Тексеру комиссиясының төрағасы болып сайланғанға дейін Нұр-Сұлтан қаласы бойынша Тексеру комиссиясының мүшесі болды.
***
«Nur Otan» партиясы қалалық филиалы төрағасының бірінші орынбасары қызметін атқарған Нұрлыбек Жүсіпов облыстық аумақтық сайлау комиссиясының төрағасы болып сайланды.
Бұған дейін облыстық мәслихаттың кезектен тыс бесінші сессиясында оның кандидатурасын депутаттар облыстық аумақтық сайлау комиссиясының мүшесі ретінде мақұлдаған болатын. Облыстық орталық сайлау комитеті отырысында әріптестер бірауыздан Нұрлыбек Жүсіповті облыстық аумақтық сайлау комиссиясының төрағасы етіп сайлады.
Облыстық сайлау комиссиясының жаңа басшысын ұжымға облыстық мәслихат хатшысы Амангелді Нұғманов, облыс әкімі аппаратының басшысы Қайрат Райымқұлов және облыстық мәслихат аппаратының басшысы Тимур Айтқалиев таныстырды. Амангелді Нұғманов бұл кандидаттың облыстық мәслихаттың кезектен тыс бесінші сессиясында бос орынға сайланғанын тағы да атап өтті.
Нұрлыбек Жүсіпов аудандық және облыстық деңгейдегі жергілікті атқарушы органдарда, еңбек, әлеуметтік қорғау және көші-қон комитетінің аумақтық департаментінде, сондай-ақ партия органдарында басшылық лауазымдарда көп жыл жұмыс істеді. 2019 жылдың сәуір айынан 2021 жылдың тамыз айына дейін Nur Otan партиясы қалалық филиалы төрағасының бірінші орынбасары қызметін атқарды.
Ақтөбе облыстық мәслихатының баспасөз қызметі.
